Algengar spurningar
1. Hvernig vefsíða er þetta?
Þetta er ókeypis vefsíða sem inniheldur upplýsingar um störf í flugiðnaði, m.a. lýsingar á um 70 störfum tengdum flugvöllum og flugiðnaði. Síðan var búin til sem hluti af verkefninu „VirtuAir Reality - Designing a future in aviation careers using the virtual reality of the airport“ sem hlaut styrk að verðmæti 176.182,67 evra frá Íslandi, Liechtenstein og Noregi úr EES-sjóðum.
2. Hver er tilgangurinn með vefsíðunni?
Vefsíðan varð til sem svar við miklum áhuga ungs fólks á flugiðnaðinum og þeim skorti sem er á stöðluðum upplýsingum um hann.
3. Er hægt að nota upplýsingarnar á vefsíðunni í skólastarfi og kennslu?
Já, hægt er að nota upplýsingarnar í skólastarfi. Flipinn Kennsluhugmyndir inniheldur verkefni til kennslu. Einnig geta kennarar nýtt sér hana í starfsfræðslu til að kynna störf á flugvöllum og í flugiðnaðinum.
4. Eru fleiri störf en þau sem eru á vefsíðunni, sem hægt er að vinna á flugvöllum?
Já, flugvöllur er vinnustaður fjölda fólks. Störfin sem lýst er á vefsíðunni eru þau sem tengjast flugi beint. Hins vegar gæti flugiðnaðurinn ekki þrifist án fólksins sem vinnur á fjármála-, mannauðs-, markaðs-, lögfræði- og upplýsingasviði. Við munum halda áfram að þróa vefsíðuna og bæta við fleiri starfslýsingum.
5. Hvaða mörgæs er þetta sem kemur fram á vefsíðunni?
Mörgæsin er einkennisdýr Aviation Education Centre
6. Er hægt að fara í skoðunarferð á flugvöll?
Það er misjafnt eftir flugvöllum. Vinsamlegast settu þig í samband við þann flugvöll sem þig langar að heimsækja.
7. Hvernig er best að hafa samband?
Vinsamlegast skoðaðu efnið undir flipanum Tengiliðir.
8. Er aldurstakmark eða sérkröfur í störfum í flugiðnaði?
Það er bæði aldurstakmark og ýmsar sérkröfur eftir því um hvaða starf ræðir. Vinsamlegast skoðaðu starfslýsingar þeirra starfa sem þú hefur áhuga á.
9. Eru einhver heilsufarsskilyrði tengd við ráðningar í störf?
Sum störf fela í sér heilsufarsskilyrði, t.d. tengd sjón, önnur störf krefjast þolprófs. Vinsamlegast skoðaðu starfslýsingar þeirra starfa sem þú hefur áhuga á.
10. Fyrir hvern er vefsíðan hugsuð?
Vefsíðan er fyrst og fremst hugsuð fyrir ungt fólk sem er að velta fyrir sér menntun, störfum og framtíðarmöguleikum. Það nýtist einnig kennurum og námsráðgjöfum, foreldrum og þeim sem hafa áhuga á að starfa á flugvöllum og í flugiðnaði.
11. Fær allt starfsfólk sömu þjálfun?
Starfsfólk undirgengst ýmis konar þjálfun í tengslum við það starf sem það sinnir. Það er samt sem áður alltaf einhver sameiginleg þjálfun eða námskeið sem allir á vinnustaðnum fara í gegnum. Námskeið í flugverndar- og öryggisvitund er dæmi um slíkt.
12. Er hægt að komast í starfsþjálfun sem nemi á flugvelli?
Ýmis störf bjóða upp á að nemar komi í starfsþjálfun. Vinsamlegast hafðu samband við viðeigandi flugvöll ef þú hefur áhuga á að komast að sem nemi á einhverju sviði.
13. Eru einhverjar starfskynningar haldnar fyrir störf á flugvöllum?
Aviation Education Centre heldur árlega stafrænan starfskynningadag. Þar eru mismunandi störf kynnt og þátttakendum gefinn kostur á að tala við fólk sem vinnur störfin. Isaviaskólinn hefur tekið á móti grunnskólahópum í starfskynningar, er virkur þátttakandi í árlegri starfsgreinakynningu grunnskólanna á Suðurnesjum og heldur kynningar í samráði við framhaldsskóla og háskóla.
14. Hvernig get ég aukið möguleika mína á að starfa í flugiðnaði?
Áhugi á viðfangsefninu og að vera tilbúinn að byggja upp nýja þekkingu er mjög mikilvæg. Ein leið er að fara í starfsnám á flugvellinum. Einnig er hægt að sækja sér þekkingu og færni í gegnum óformlegar fræðsluleiðir svo sem áhugamannaklúbba, netnám og fræðslumiðstöðvar.
15. Eru einhverjar kröfur um tungumálaþekkingu til að starfa á flugvelli?
ICAO – International Civil Aviation Organization gaf út 1. janúar 2008 að enska væri opinbert tungumál í farþegaflugi. Allir flugmenn, flugumferðastjórar og áhafnarmeðlimir verða því að vera færir í ensku. Misjafnar kröfur um tungumálakunnáttu eru gerðar í öðrum störfum.
Upp
